ရုရှားတွင် ကိုဗစ်-၁၉ ကူးစက်ခံရသူ ၅ ဒသမ ၈၅ သန်းကျော်၊ ကမ္ဘာ့ကူးစက်မှုအမြင့်ဆုံး အဆင့် ၄ ဖြစ်လာ

ရုရှားနိုင်ငံမှာ ကိုဗစ်-၁၉ ကူးစက်ခံရသူပေါင်း ၅ ဒသမ ၈၅ သန်းကျော်နဲ့ ပြင်သစ်နိုင်ငံကို ကျော်လွန်ပြီး ကမ္ဘာ့ကူးစက်မှုအမြင့်ဆုံးအဆင့် ၄ နေရာကို ရောက်ရှိလာခဲ့ပြီ ဖြစ်ပါတယ်။

ကမ္ဘာ့ကူးစက်မှုအမြင့်ဆုံး ထိပ်တန်း ၃ နိုင်ငံအနေနဲ့ အမေရိကန်က ရောဂါကူးစက်ခံရသူပေါင်း ၃၄ ဒသမ ၈ သန်းကျော်၊ သေဆုံးသူ ၆ သိန်း ၂ သောင်းကျော်၊ အိန္ဒိယက ရောဂါကူးစက်ခံရသူပေါင်း ၃၀ ဒသမ ၉ သန်းကျေိာ်၊ သေဆုံးသူ ၄ သိန်းကျော်၊ ဘရာဇီးနိုင်ငံက ရောဂါကူးစက်ခံရသူပေါင်း ၁၉ ဒသမ ၁ သန်းကျော်၊ သေဆုံးသူ ၅ သိန်း ၃ သောင်းကျော်စီ အသီးသီးနဲ့ ရပ်တည်နေတာပါ။

လတ်တလော ကမ္ဘာ့ကူးစက်မှုအမြင့်ဆုံအဆင့် ၄ နေရာမှာ ရှိနေတဲ့ ရုရှားနိုင်ငံမှာတော့ ကိုဗစ်-၁၉ ရောဂါကူးစက်ခံရပြီး သေဆုံးသူ ၁ သိန်း ၄ သောင်းကျော်ထိ ရှိနေခဲ့ပြီ ဖြစ်ပါတယ်။

ရုရှားနိုင်ငံနောက်မှာတော့ ပြင်သစ်နိုင်ငံက ရောဂါကူးစက်ခံရသူပေါင်း ၅ ဒသမ ၈၂ သန်းကျော်၊ သေဆုံးသူ ၁ သိန်း ၁ သောင်းကျော်နဲ့ ရှိနေတာပါ။

မျိုးဗီဇပြောင်း ဒယ်လ်တာကိုဗစ်-၁၉ ကူးစက်မှုတွေ မြင့်တက်နေတဲ့ ရုရှားနိုင်ငံကတော့ ပြီးခဲ့တဲ့ ၂၄ နာရီအတွင်း ရောဂါကူးစက်မှုအသစ် ၂၄,၇၀၂ ယောက်၊ သေဆုံးမှုအ သစ် ၇၈၀ ယောက်နဲ့ စံချိန်တင်ခဲ့ကာ ပြင်သစ်ကို ကျော်လွန်သွားခဲ့တာ ဖြစ်ပါတယ်။

ရုရှားကိုဗစ်-၁၉ ကာကွယ်ဆေး Sputnik V ကတော့ အိန္ဒိယကာကွယ်ဆေးထုတ်လုပ်သူ Serum Institute နဲ့ ပူးပေါင်းပြီး နှစ်စဉ်ကာကွယ်ဆေးသန်း ၃၀၀ ထုတ်လုပ်နိုင်ဖို့ သဘောတူညီမှု ရရှိထားတယ်လို့ ဆိုပါတယ်။

ဒါ့အပြင် ရောဂါကူးစက်မှုတွေ မြင့်တက်လာတဲ့ ရုရှားနိုင်ငံမှာ လေကြောင်းလိုင်းတွေက လေယာဉ်မှူးတွေ၊ လေယာဉ်အမှုထမ်းတွေအားလုံးကို အချိန် ၇၂ နာရီတိုင်း ကို ဗစ်-၁၉ ရောဂါပိုး ရှိ၊ မရှိ စစ်ဆေးမှုတွေ လုပ်ဆောင်ဖို့ ဖက်ဒရယ်လေကြောင်းပို့ဆောင်ရေး အေဂျင်စီက အမိန့်ထုတ်ပြန်ထားပါတယ်။

ဒါ့အပြင် လူနေထူထပ်တဲ့ မြို့ကြီးတွေမှာ လူစုလူဝေးနဲ့ စုရုံးသွားလာတာတွေ၊ စားသောက်ဆိုင်တွေ အပါအဝင် ခရီးသွားဧည့်သည်တွေ ဝင်ရောက်ခွင့်တွေ ကန့်သတ်ပိတ်ပင်တာတွေကိုလည်း အရေးတကြီး လုပ်ဆောင်နေပါတယ်။

 

credit source : dvb news

Be the first to comment

Leave a Reply

Your email address will not be published.


*