တင်းတိပ်၊ ဝက်ခြံ၊ မှဲ့ခြောက်တွေကို အရှင်းပျောက်ကင်းသွားစေမယ့် ကြက်သွန်နီ

ကြက်သွန်နီက ကျန်းမာရေးကို ဘယ်လိုအထောက်အကူပြုတယ် အလှအပအတွက် ဘယ်လိုအထောက်အကူပြုတယ်ဆိုတာကို စာဖတ်သူ သိပြီးနေလောက်ပြီထင်ပါတယ်။

ဒီနေ့မှာတော့ ကြက်သွန်နီကို ရက်ပေါင်း ၄၀ (၁ လကျော်) အသုံးပြုပေးလိုက်ရုံနဲ့ မျက်နှာပေါ်က မလိုအပ်တဲ့ တင်းတိတ်၊ ဝက်ခြံနဲ့ မှဲ့တွေကို ပျောက်ကင်းသွားစေမှာပါ။

တင်းတိတ်

မျက်နှာပေါ်မှာ တင်းတိတ်များနေတဲ့ သူတွေအတွက် ကြက်သွန်နီက ကုစားပေးနိုင်ပါတယ်။

လိုအပ်တဲ့ ပစ္စည်းလေးတွေကတော့

ကြက်သွန်နီအရည် လက်ဖက်ရည်ဇွန်း ၂ ဇွန်း

သံပုယိုရည် လက်ဖက်ရည်ဇွန်း ၁ ဇွန်းပါ။

အဲဒီအရည်နှစ်မျိုးကိုရောပြီး ဝါဂွမ်းစနဲ့ တင်းတိတ်ရှိတဲ့နေရာမှာ လိမ်းပေးပါ။ အဲဒီလိုမလိမ်းခင် မျက်နှာသေချာသစ်ပေးပြီးသား ဖြစ်နေရပါ့မယ်။ အဲဒီနောက် မိနစ် ၂၀ လောက်ထားပြီး ရေနွေးနဲ့ မျက်နှာသစ်ချပါ။

ရက်သတ္တပတ်အနည်းငယ်အတွင်း တင်းတိတ်ကင်းစင်တဲ့ အသားအရေကို ရရှိလာမှာဖြစ်ပါတယ်။

မှဲ့

ကြက်သွန်နီအရည်က ကိုယ်မလိုချင်တဲ့ မှဲ့အပိုတွေကို ဖယ်ရှားပေးနိုင်ပါတယ်။ ကြက်သွန်နီအရည်ကို မှဲ့ပေါ်မှာ ဝါဂွမ်းစနဲ့ လိမ်းပေးပြီး မိနစ် ၃၀ လောက်ထားပါ။

အဲဒီနောက် ရေနဲ့ ဆေးကြောပေးပါ။ ဒီနည်းအတိုင်း တစ်ရက်ကို ၃ ကြိမ်လုပ်ပေးရမှာဖြစ်ပြီး ရက်သတ္တပတ်အနည်းငယ်အတွင်းမှာ မှဲ့တွေကင်းစင်သွားတာကို လက်တွေ့ခံစားရမှာဖြစ်ပါတယ်။

ဝက်ခြံ

ဝက်ခြံအတွက်ကတော့ ကြက်သွန်နီအရည်နဲ့ ပျားရည်အနည်းငယ်ကို ရောပြီး လိမ်းပေးရမှာဖြစ်ပါတယ်။

အဲဒီလိုလိမ်းပေးပြီး ဝက်ခြံကို အရောင်ရော့စေရုံသာမက ရက်သတ္တပတ်အနည်းငယ်ကြာရင် ဝက်ခြံတွေ သိသိသာသာ လျှော့နည်းသွားပါလိမ့်မယ်။

Be the first to comment

Leave a Reply

Your email address will not be published.


*