ကိုယ်ချစ်တဲ့သူက ကိုယ့်ကို ပြန်မချစ်တဲ့အခါ ဒီနည်းတွေနဲ့ မေ့ပစ်နိုင်အောင် ကြိုးစားပါ

ကိုယ်ချစ်တဲ့သူက ကိုယ့်ကို စိတ်မဝင်စားတဲ့အချိန် ယုံကြည်မှုတွေ စိတ်ဓာတ်တွေ အောက်ဆုံးထိ ကျသွားနိုင်ပါတယ်။ ဒီခံစားချက်က ကိုယ့်အတွက် ရေရှည်မှာ မကောင်းတဲ့အတွက် မေ့ဖျောက်သင့်ပါတယ်။ သူ့ကိုအတိတ်မှာ ထားခဲ့ပြီး လက်ရှိမှာ ဘဝသစ်ကို စဖို့ အရေးကြီးပါတယ်။ မေ့ဖျောက်နိုင်မယ့်နည်းလမ်းတွေကတော့-

၁။ သူကကိုယ့်ကို အလိုမရှိတာလက်ခံလိုက်ပါ

ကိုယ့်ကို မချစ်နိုင်မှန်းသိသွားတဲ့အချိန်မှာ ဒီအရာကို လက်ခံနိုင်ဖို့ ခဲယဉ်းနေတတ်ပါတယ်။ သင်ချစ်တဲ့လူတစ်ယောက်က ဒီနေ့မှာ သင့်ကို ချစ်တယ်လို့ ထင်နေရပေမယ့် နောက်နေ့ ပျောက်သွားတယ်ဆိုရင်တော့ ဒါအချစ်မဟုတ်ပါဘူး။ သင်လိုချင်တဲ့အချစ်က ဒါမျိုးရောဟုတ်ရဲ့လား ပြန်စဉ်းစားပါ။ သင်သူ့ကို စကားပြောချင်တဲ့အချိန် ဆက်သွယ်ချင်တဲ့အချိန်မှာ သူ့ရဲ့ သင့်အပေါ်ထားတဲ့ခံစားချက်ကို ပြန်သတိကပ်ပေးပါ။ သူမချစ်နိုင်ဘူးဆိုတာ လက်ခံပေးပါ။

၂။ အာရုံလွှဲပါ

မမြင်ရရင် မေ့နေတတ်ပါတယ်။ သူက သင့်ကိုမချစ်နိုင်တာ သိခဲ့တဲ့နေ့ရက်က စပြီး သူနဲ့ မတွေ့အောင် ရှောင်ပေးပါ။ ဖြစ်နိုင်ရင် ခရီးရှည်ရှည်ဖြစ်ဖြစ်ထွက်လိုက်ပါ။ သူနဲ့ ဆက်သွယ်လို့မရအောင် လုပ်လိုက်ပါ။ အချစ်ရေးကို မတွေးသေးဘဲ ကိုယ့်အိပ်မက် ကိုယ့်ပန်းတိုင်တွေဘက် အာရုံလွှဲလိုက်ပါ။


၃။ သင့်လို ဘဝတူတွေကို ရှာကြည့်ပါ

အချစ်ရေးအဆင်မပြေတာ ဒီလောကကြီးမှာ သင်တစ်ယောက်တည်းမဟုတ်ပါဘူး။ သင့်လိုဘဝတူတွေ အများကြီးရှိပါသေးတယ်။ တခြားလူတွေလည်း ခုချိန် မခံစားရရင်တောင် အရင်က ခံစားဖူးမှာပါ။ သင့်ရဲ့ ခံစားချက်တွေကို ရင်းနှီးသူတွေဆီမှာ ရင်ဖွင့်ပါ။ သူတို့ကော အဲ့လိုအချိန်တွေကို ဘယ်လိုဖြတ်သန်းခဲ့ရလဲ မေးကြည့်ပါ။ တစ်ခါတလေ “ငါနင့်ခံစားချက်ကို နားလည်ပါတယ်” ဆိုတဲ့စကားတစ်ခွန်းက သင့်အတွက် အထောက်အကူဖြစ်မှာပါ။

၄။ ကိုယ့်ကိုကိုယ် ဂရုစိုက်ပါ

သင့်အတွေးတွေက သူမချစ်ဘူးဆိုတဲ့ အတွေးထဲမှာ နစ်ဝင်နေတတ်ပါတယ်။ ကိုယ့်ကိုကိုယ် မေ့နေတတ်ပါတယ်။ သူမချစ်တဲ့ကိစ္စကို ဘာမှမလုပ်နိုင်ပေမယ့် သင်လုပ်နိုင်တဲ့အရာတစ်ခုရှိပါတယ်။ အဲ့ဒါကတော့ကိုယ့်ရဲ့ အသွင်အပြင်နဲ့ ကျန်းမာရေးကို ဂရုစိုက်တာပါ။ မျက်နှာပေါင်းတင်ပါ၊ ဆံပင်သွားလုပ်ပါ။ အလှဆုံးဖြစ်အောင်နေထိုင်ပါ။

၅။ လေ့ကျင့်ခန်းလုပ်ပါ

စိတ်ညစ်တာကို ပျောက်ဖို့ပြုလုပ်နိုင်တဲ့ နည်းလမ်းတွေ အများအပြားရှိပါတယ်။ အထိရောက်ဆုံးနည်းလမ်းတွေထဲကတစ်ခုကတော့ လေ့ကျင့်ခန်းလုပ်တာပါ။ မနက်တိုင်း စောစောထပြီး ကြိုးခုန်ကြည့်ပါ။ လမ်းလျှောက်ပါ။ ပြေးပါ။ GYM သွားဆော့ပါ။ ဒီလို လုပ်ပေးတာက အကောင်းမြင်စိတ်မွေးဖွားစေပါတယ်။

၆။ သူနဲ့ပတ်သက်တဲ့အိပ်မက်ကို လက်လွှတ်လိုက်ပါ

အရမ်းချစ်ရင် စောင့်လိုက်ပါဆိုတဲ့ စကားတွေ။ တစ်နေ့ သူငါ့အချစ်ကို နားလည်ပြီး ငါ့ကို ပြန်ချစ်လာမှာပါဆိုတဲ့ အိပ်မက်တွေက အဝေးကြီးမှာပါ။ သင့်မှာဒီလိုအိပ်မက်တွေရှိရင်တော့ ဒီအိပ်မက်တွေအစား ဘဝတိုးတက်ဖို့ အိပ်မက်တွေပဲ ကြိုးစားမက်ကြည့်ပါ။

၇။ အကုန်လုံးကို ပတ်မရမ်းပါနဲ့

ကိုယ်ချစ်မိတဲ့သူက ကိုယ့်ကို ပြန်မချစ်ရင် ဒေါသထွက်ကြမှာပါ။ ကိုယ့်ကိုကိုယ်လည်း မုန်းတီးမိသလို ယောကျာ်းတွေ မကောင်းဘူး။ မိန်းမတွေမကောင်းဘူး။ ဒီလိုစကားတွေပြောမိမှာပါ။ ဒီတစ်ယောက်က ကိုယ့်အတွက် အဆင်မပြေခဲ့ပေမယ့်ကိုယ့်အပေါ်ကောင်းတဲ့သူတွေ အများကြီးရှိပါသေးတယ်။

Be the first to comment

Leave a Reply

Your email address will not be published.


*