မိန်းကလေးတိုင်းသိထားသင့်တဲ့ဝိသာခါကိုသူ့အဖေ ဆုံးမတဲ့ စကားကြီး (၁၀)ခွန်း

မိန်းကလေးတိုင်းသိထားသင့်တဲ့ ဝိသာခါကို သူ့အဖေဆုံးမတဲ့ စကားကြီး (၁၀)ခွန်း

၁။ အိမ်တွင်းမီး အပြင်မထုတ်နဲ့။

(အိမ်တွင်းရေးပြဿနာတွေကို အပြင်မှာဖောက်သည် မချနဲ့)

၂။အိမ်ပြင်မီး အတွင်းမသွင်းနဲ့။

(အပြင်က ပြဿနာတွေကို အိမ်တွင်းထဲ သယ်မလာနဲ့)

၃။ပြန်ပေးမယ့်သူကိုသာ ပေးပါ။

(ဥစ္စာပစ္စည်းတွေကိုပြန်တောင်းလို့ရမယ့်သူကိုသာ ချေးငှားပါ)

၄။ပြန်မပေးမယ့်သူကို မပေးနဲ့။

(ဥစ္စာပစ္စည်းတွေကိုပြန်တောင်းလို့မရမယ့်သူကို မချေးငှားနဲ့)

၅။ပေးသင့်သူကိုလည်း ပေးပါ။

(ဆွေမျိုးအသိုင်းအဝိုင်းမှာ ဘဝပေးအရမပြည့်စုံတဲ့သူတွေကို ဘာမှမမျှော်လင့်ဘဲ ထောက်ပံ့လိုက်ပါ)

၆။ကောင်းကောင်း ထိုင်ပါ။

(မိဘ၊ယောက္ခမ၊ခင်ပွန်းရဲ့ အထက်အရပ်၊ လေညာအရပ်စသော အပြစ်မလွတ်သောနေရာတွင် မထိုင်ဘဲ အပြစ်ကင်းသောနေရာမှာ ထိုင်ပါ)

၇။ ကောင်းကောင်း စားပါ။

(မိဘ၊ယောက္ခမ၊ခင်ပွန်းကို ရှေးဦးစွာကျွေးပြီးနောက်မှ စားပါ)

၈။ကောင်းကောင်း အိပ်ပါ။

(မိဘ၊ယောက္ခမ၊ခင်ပွန်းတို့ကို သင့်တင့်သောဝေယျာဝစ္စ ပြုလုပ်ပေးပြီးမှ အိပ်ပါ)

၉။မီးကို ရိုသေစွာလုပ်ကျွေးပါ။

(ယောက္ခမတွေကို မိဘကဲ့သို့ ကောင်းစွာစောင့်ရှောက် ရိုသေပါ)

၁၀။အိမ်ဦးနတ်ကို ရှိခိုးပူဇော်ပါ။

(မိမိခင်ပွန်းအား ရိုသေလေးစားစွာ ဆက်ဆံပါ)

Be the first to comment

Leave a Reply

Your email address will not be published.


*