ပျိုမေတို့ မဖြစ်မနေ သိထားသင့်တဲ့ ပုရိသတို့ရဲ့ ဖွန်ကြောင်ခြင်း အနုပညာ

ဖွန်ကြောင်တယ် ဖွန်ကြောင်တယ် ပြောဖူးကြတယ် မလား။ အဲ့သည့် ဖွန်ကြောင်တဲ့သူတွေ အကြောင်း သိရောသိရဲ့လား။တစ်ခါတစ်ရံမှာတော့ အဲ့လိုလူတွေဟာ အမြင်ကပ်ဖို့ ကောင်းလွန်းသလို တစ်ခါတစ်ရံမှာတော့ သနားဖို့ ကောင်းလွန်းပါတယ်။ ဖွန်ဘာလို့ကြောင့် ဒါတွေကြောင့် ကြောင်တယ်လို့ မှတ်ပါနော်……

(၁) ကြောင်ချင်လို့ ကြောင်တယ်

ဘာမှ ထွေထွေထူးထူး ဖြစ်လို့ မဟုတ်ပါဘူး။ စိတ်ထဲမှာကိုက ဖွန်ကြောင်ချင်နေလို့ ကြောင်တာပါ။ ဖွန်ကြောင်နေမှန်း လွယ်လွယ်သိနိုင်တဲ့ ဖွန်ကြောင်ခြင်းမျိုးပေါ့။


(၂) ဝါသနာအရ….:3

အပေါ်ကအချက်ထက် နည်းနည်းလေးတော့ ထူးပါတယ်နော်..။ ဖွန်မကြောင်ရ မနေနိုင်လို့ ဖွန်ကြောင်နေမှ နေသာထိုင်သာ ရှိလို့ ဖွန်ကြောင်နေတာပါ။ ဒီလိုသူမျိုးက အကုန်လုံးကို ပတ်ကြောင်နေတာလည်း ဟုတ်သလို တစ်ယောက်မဟုတ် တစ်ယောက်ကို အမြဲကြောင်နေတာမျိုးပါ။

(၃) ရည်းစားလိုချင်လို့

ဒါကတော့ သနားရမလို ရိုက်ပစ်ရမလို လူမျိုးပါ။ သူတို့ ဖွန်ကြောင်တာက ဆန်းပါတယ်။ ပေါ်တင်လည်းကြောင်သလို သနားစဖွယ်လုပ်ပြီးလည်း ကြောင်ပါတယ် ဇွဲလည်း ကြီးတတ်ပါတယ်။ ဇွဲဆုများ ပေးမလား၊ သနားပြီးပြန်ကြိုက်မလား တစ်နည်းမဟုတ်တစ်နည်းနဲ့ ကောင်မလေးရရမယ် လို့ အဓိဌာန်ထားထားတဲ့ သူမျိုးတွေပါ။

(၄) ချစ်နေပေမဲ့ ဖွင့်မပြောရဲလို့

သတ္တိမရှိ တွေဝေနေတတ်တဲ့ ကောင်လေးတွေ လုပ်လေ့ရှိတာမျိုးပါ။ ချစ်နေပေမယ့် သိသွားမှာ စိုးလို့ ဖွန်ကြောင်ချင်ယောင်ဆောင်ပြီး ရင်းနှီးမှုယူနေတာပါ။ ရင်းနှီးသွားလည်း တကယ်မဟုတ်ဘူး ထင်မှာ စိုးပြီး တော်တော်နဲ့ ဖွင့်မပြောမယ့် သူတွေပါ။


(၅) ပျော်တတ်လို့

ပေါ့ပေါ့ပါးပါးလည်း နေချင်သလို ပျော်တတ်တဲ့သူတွေပါ။ ပေါ့ပေါ့ပါးပါးနေချင်တာကြောင့် ရည်းစားထားရင် ရနိုင်ရဲ့သားနဲ့ မထားပဲ ဖွန်ပတ်ကြောင်နေရတာကိုပဲ ပျော်နေတာမျိုးပါ။ သူငယ်ချင်တွေက ဟေ့ရောင် ဖွန်ကြောင်ကို ဟီးဟီး ဟဲဟဲ လက်ခံတတ်တဲ့ သူမျိုးတွေပေါ့။

(၆) အထီးကျန်နေလို့

အထီးကျန်နေတဲ့ ကောင်လေးတွေက သူတို့ကိုယ်သူတို့ ဒီလိုနည်းနဲ့လည်း ပျော်အောင် ဖန်တီးကြပါသေးတယ်။ ပျင်းတိုင်း အထီးကျန်တိုင်း ဖွန်ကြောင်ပြီး စကားလေးတွေ လိုက်ပြောပြီး သူတို့ အထီးကျန်မှုကို ဖြေဖျောက်နေတဲ့သူမျိုးတွေလည်း ဖြစ်ပါတယ်..။

Be the first to comment

Leave a Reply

Your email address will not be published.


*