လက်ရှိဘဝမှာ မိဘကျေးဇူးကို အကျေဆပ်တဲ့နည်း

မိဘကျေးဇူးဆပ်ခြင်းနဲ့ ပတ်သက်တဲ့ ဘုရား အဆုံးအမကို ပြောကြပြီဆိုရင် ” မိဘကျေးဇူးကို ဘယ်လိုမှ ကျေအောင် မဆပ်နိုင်ဘူး” လို့

လူအများ ပြောလေ့ ရှိကြတယ်။အမှန်က “ကျေအောင် မဆပ်နိုင်ဘူး”လို့ ဟောထားတာ မဟုတ်ပါဘူး။

ကျေအောင် ဆပ်ဖို့ မလွယ်ဘူး။လွယ်လွယ်ဆပ်ရုံနဲ့ ကျေးဇူးမကျေနိုင်ဘူး။သာမန်ဆပ်ရုံနဲ့ ကျေးဇူးမကျေနိင်ဘူး။

အထူးဆပ်မှ ကျေးဇူးကျေနိုင်တယ် လို့ ဆိုလိုပါတယ်။မြတ်စွာဘုရားရှင်ရဲ့ ဟောကြားချက်မူရင်းကို နားထောင်ကြည့်ပါ။

ချစ်သား, ချစ်သမီးတို့ ပုဂ္ဂိုလ်နှစ်ယောက်ရဲ့ ကျေးဇူးကို အလွယ်တကူ ဆပ်ရုံနဲ့ မကျေနိုင်ဘူး။ ကျေအောင် ဆပ်ဖို့ မလွယ်ဘူးလို့ ငါဘုရား

ပြောချင်တယ်။ ပုဂ္ဂိုလ် နှစ်ယောက် ဆိုတာ မွေးမိခင်နဲ့ မွေးဖခင် အရင်းအချာကို ပြောတာပါ။

ချစ်သား, ချစ်သမီးတို့ “ အမေကို လက်ယာပခုံးမှာတင် , အဖေကို လက်ဝဲ ပခုံးမှာ တင်ပြီး ရာသက်ပန် လုပ်ကျွေး ပြုစုတယ်။ မိဘနှစ်ပါးကို

. . .မွှေးပျံ့နေအောင် နံ့သာမျိုးစုံနဲ့ လိမ်းကျံပေးတယ်။အညောင်းပြေအောင် ခြေလက်တွေကို ဆုပ်နှယ်ပေးတယ်။ အေးတဲ့အခါ ရေနွေး , ပူ

တဲ့အခါ ရေအေးနဲ့ရေချိုး သန့်စင်ပေးတယ်။ ပုခုံးထက်မှာ ကျင်ကြီးကျင်ငယ် စွန့်စေတယ်။ အဲလောက် ပြုစုလုပ်ကျွေးပေမယ့် မိဘကျေးဇူး

အကျေဆပ်ပြီးသား မဖြစ်သေးဘူး။ချစ်သား, ချစ်သမီးတို့ စကားအကုန်ပြောရမယ်ဆိုရင် စြင်္ကဝတေးမင်း ရာထူးမှာ ထားပြီး ကျေးဇူးဆပ်

ဦးတော့ မိဘကျေးဇူးကို ကျေအောင် ဆပ်ရာ မရောက်သေးဘူး။

ချစ်သား , ချစ်သမီးတို့ ဒီလောက်ကျေးဇူးဆပ်ရဲ့သားနဲ့ ဘာလို့ ကျေးဇူး မကျေနိုင်ရတာလဲ ? ဆိုရင် မိဘတွေဟာ သားသမီးတွေအပေါ်

သိပ်ကို ကျေးဇူးများကြလို့ပဲ။ သားသမီးတွေကို ကြီးပြင်းရွယ်ရောက် လူလားမြောက်အောင်ဂရုတစိုက် စောင့်ရှောက်ကြလို့။ နို့ချို

တိုက်ကျွေး မွေးမြူကြလို့။ ဒီလောကကြီးရဲ့ အာရုံကောင်းဆိုး အမျိုးမျိုးကို သိမြင်အောင် သေချာပြသလို့ပါပဲ။ ချစ်သား , ချစ်သမီးတို့

မိဘကျေးဇူး အကျေဆပ်နိုင်တဲ့ နည်းလမ်းတွေကို ငါဘုရား ညွှန်ပြပါရစေ။

သဒ္ဓါတရား မရှိတဲ့ မိဘကို သဒ္ဓါတရားနဲ့ ပြည့်စုံအောင်။ သီလမရှိတဲ့ မိဘကို သီလနဲ့ ပြည့်စုံအောင်။ မပေးရက် , မလှူရက် နမြောဝန်တို

တဲ့မိဘကို စွန့်ကြဲပေးကမ်း လှူဒါန်းခြင်းနဲ့ ပြည့်စုံအောင်။ ပညာဉာဏ် မရှိတဲ့ မိဘကို ပညာဉာဏ်နဲ့ ပြည့်စုံအောင်ကောင်းစွာ နာယူ

ဆောက်တည်စေမယ်။ လေးလေးနက်နက် သက်ဝင်စေမယ်။ ခိုင်ခိုင်ခံ့ခံ့ တည်တံ့မြဲမြံစေမယ် ဆိုရင်မိဘကျေးဇူးကို အကျေ ဆပ်ပြီးသား

ဖြစ်သွားပါတယ်။ဒါဟာ ဘုရားဟော မူရင်း ပါပဲ။

မိဘကျေးဇူးဆပ်တဲ့နေရာမှာလောကနည်းနဲ့ ဆပ်ခြင်းဓမ္မနည်းနဲ့ ဆပ်ခြင်းလို့ နှစ်မျိုး ရှိပါတယ်။ မိဘအတွက် အစားအသောက် ,

အဝတ်အထည် , နေအိမ်တိုက်တာ , ကားရထား စတဲ့ လူမှု အသုံးအဆောင် ပစ္စည်းတွေ ပြည့်စုံအောင် စီမံဖန်တီးပေးတာကို လောက

နည်းနဲ့ ကျေးဇူး ဆပ်တယ်လို့ ခေါ်ပါတယ်။ စိတ်ထားမတတ်တဲ့မိဘ စိတ်ထားတတ်အောင်..ကုသိုလ် နည်းပါးတဲ့ မိဘ ကုသိုလ် တိုးပွား

အောင် ကူညီပံ့ပိုးပေးတာကို ဓမ္မနည်းနဲ့ ကျေးဇူး ဆပ်တယ်လို့ ခေါ်ပါတယ်။

တကယ်တော့လည်း ရှည်လျားလွန်းလှတဲ့ အစမထင် သံသရာမှာသူက မိဘဖြစ်လိုက် , ကိုယ်က မိဘဖြစ်လိုက်နဲ့ အပြန်ပြန် အလှန်လှန်

ကျင်လည်နေကြရတာမို့ ဘယ်သူ့ကျေးဇူးကို ဘယ်သူက ကျေအောင် ဆပ်ပြီးပြီ ဆိုတာ ပုထုဇဉ်လောကမှာ လုံးဝ မရှိနိုင်ဘူး။ ဒါကြောင့်

…ကျေးဇူးကျေတာ , မကျေတာကို အဓိက မထားဘဲ ” ကျေးဇူးဆပ်နေဖို့ အဓိက” လို့ နှလုံးသွင်းပြီးလောကနည်းနဲ့ရော ဓမ္မနည်းနဲ့ပါ မိဘ

ကို အမြဲ ကျေးဇူး ဆပ်နေဖို့ပဲ အရေးကြီးပါတယ်။မိဘကို ရုပ်ပိုင်းဆိုင်ရာရော , စိတ်ပိုင်းဆိုင်ရာပါ။ အဆင့်အတန်းမြင့်အောင် ကျေးဇူးဆပ်

နေတဲ့ သားကောင်း , သမီးကောင်းရဲ့ ထံမှောက်ကို …ကံကောင်းခြင်း လက်ဆောင်တွေ ” ဝင်လာမစဲ တသဲသဲ ” ဆိုသလို အလုံးအရင်းနဲ့

ဝင်လာမှာကတော့ သေချာပေါက်ပါပဲ..။

Credit: ဆရာတော် အရှင်ဆန္ဒာဓိက ( ရွှေပါရမီတောရ )

Be the first to comment

Leave a Reply

Your email address will not be published.


*