ဟင်းသီးဟင်းရွက်တွေ၊အသီးအနှံတွေဆေးကြောတဲ့အခါ သတိထားစရာလေးတွေ…

ကျန်းမာရေးနဲ့ပတ်သက်ပြီးဂရုစိုက်တယ်ဆိုကာ လူအများစုက ဘယ်လိုအစားအစာမျိုးကိုမဆိုရေစင်စင်ဆေးပြီးမှသာ စားသောက်လေ့၊ချက်ပြုတ်လေ့ရှိပါတယ်။အစားအစာတွေကိုရေဆေးတာနဲ့ပတ်သက်လို့ သင်သတိမထားမိတဲ့အမှားလေးတွေရှိနေပါတယ်။ဒါကြောင့် ဘယ်လိုအစားအစာဆို ဘယ်လိုရေဆေးရမလဲဆိုတာ ကျန်းမာရေးဗဟုသုတအနေနဲ့ ပြန်ပြီးမျှဝေပေးလိုက်ပါတယ်။

အသီးအနှံနဲ့ဟင်းသီးဟင်းရွက်


တစ်ချိ့ုတွေက ရေခဲသေတ္တာထဲထည့်ပြီးရင် အဲ့ဒီအသီးအနှံတွေကို ရေပြန်မဆေးတော့ပဲ စားတတ်ကြလို့ ဒါကသတိထားစရာတစ်ခုပါပဲ။အသီးအနှံနဲ့ဟင်းသီးဟင်းရွက်တွေကို ရေခဲသေတ္တာထဲမထည့်ခင် ရေနဲ့အရင်ဆေးကြောပေးရပါမယ်။ရေနဲ့သေချာဆေးပြီး မှ ရေခဲသေတ္တာထဲထည့်ပါ။ရေခဲသေတ္တာထဲက ထုတ်ပြီး အပူချိန်မြင့်မြင့်နဲ့ချက်ပြုတ်လိုက်မယ်ဆိုရင် ဘတ်တီးရီးယားတွေကိုဖယ်ရှားပြီးသားဖြစ်သွားပါလိမ့်မယ်။ပိုပြီးတော့စိတ်ချချင်တယ်ဆိုရင်တော့ ရေခဲသေတ္တာထဲမထည့်ခင်ရေစင်စင်ဆေး၊ရေခဲသေတ္တာထဲက ပြန်ထုတ်တဲ့အခါမှာလည်းရေစင်စင်ဆေးပါ။

ဆန်


ဘယ်လိုဆန်မျိုးမဆို မချက်ပြုတ်ခင် သုံးလေးကြိမ်ဆေးပေးရပါမယ်။ဆန်တင်မက ပြောင်းဖူး၊ဂျုံစေ့တွေကိုလည်း ရေနဲ့သုံးလေးကြိမ်ဆေးပေးရမှာပါ။အဲ့ဒါမှ အမှုန်အမွှားတွေတင်မက ဆန်မှာကပ်တွယ်နေတဲ့ပိုးတွေပါ ကင်းစင်သွားမှာဖြစ်ပါတယ်။

နွားနို့နဲ့နို့ထွက်ပစ္စည်းများ


ထုတ်ပိုးပြီးသားနွားနို့၊ဒိန်ချဉ်ဘူးနဲ့ တစ်ခြားအအေးဘူးတွေကို ဖောက်မသောက်ခင် ရေနဲ့သေချာဆေးပေးရပါမယ်။ဈေးဝယ်သူမျိုးစုံက ဒီဘူးတွေကို ထိတွေ့သွားကြမှာဖြစ်လို့ ဘတ်တီးရီးယားတွေကပ်ကျန်နေတတ်ပါတယ်။ကိုယ်က ရေမဆေးပဲဖောက်သောက်လိုက်ရင် အဲ့ဒီဘတ်တီးရီးယားတွေက လက်ကနေတစ်ဆင့်ခန္ဓာကိုယ်ထဲကို ဝင်သွားပါလိမ့်မယ်။ဒါကြောင့် ထုတ်ပိုးပြီးသားဘူးဖြစ်စေ ရေနဲ့သေချာဆေးသင့်ပါတယ်။

ငါး


တကယ်တော့ ငါးကိုအစိမ်းမစားမချင်း ရေဆေးစရာမလိုပါဘူး။ငါးကို အပူချိန်မြင့်မြင်နဲ့ချက်ပြုတ်လိုက်တဲ့အခါ ဘတ်တီးရီးယားတွေကိုပါသေစေပါတယ်။တကယ်လို့ ငါးအစိမ်းကိုရေဆေးလိုက်မယ်ဆိုရင်တော့ ငါးမှာကပ်နေတဲ့ဘတ်တီးရီးယားတွေက သင့်မီးဖိုချောင်ကို နေရာယူသွားပါလိမ့်မယ်။ဒါကြောင့် ငါးကို ချက်ပြုတ်ဖို့ ခုတ်ထစ်တော့မယ်ဆိုရင် လက်ကိုသေချာဆေးပြီးမှ ခုတ်ပါ။

ပန်းသီး


ဘယ်လိုအသီးအနှံမျိုးမဆို ရေနဲ့သေချာစင်ကြယ်အောင်ဆေးပြီးမှ စားသင့်ပါတယ်။ပိုပြီးတော့စိတ်ချလက်ချစားချင်တယ်ဆိုရင်တော့ အသီးအနံှတွေကို ရေထဲမှာထည့်လိုက်ပါ။ပြီးရင်ရေထဲမှာ မုန့်ဖုတ်ဆော်ဒါအနည်းငယ်ထည့်ပြီး ၁၂ မိနစ်လောက်ကြာအောင်ထားပါ။ဒါဆိုရင် ဓာတုဆေးဝါးတွေကင်းစင်သွားလို့ စိတ်ချလက်ချစားလို့ရပါပြီ။

 

Be the first to comment

Leave a Reply

Your email address will not be published.


*