အသားညိုတဲ့ သူတွေမှာ ဖြစ်လေ့ရှိတဲ့ အရေပြား မှိုတက်သလိုဖြစ်ခြင်းကို ဖြေရှင်းနည်းများ

အရေပြားမှိုတက်သလို အဖြူရောင်အမှုန်များက အသားရောင် မရွေးဘဲ လူတိုင်းမှာ ဖြစ်တတ်ပေမဲ့ ညိုတဲ့သူတွေမှာဆိုတော့ သိသာနေတတ်ပါတယ်။ ဒီလိုဖြစ်ရခြင်း အကြောင်းရင်းက အရေပြားမှာ ရေဓာတ်လျော့နည်းခြင်းကြောင့် ဖြစ်ပါတယ်။ ဆောင်းတွင်းမှာ ခြောက်သွေ့တဲ့ လေကြောင့် အရေပြားပေါ်က အစိုဓာတ်လျော့နည်းပြီး အသားအရည် ပိုမို ခြောက်သွေ့လာတဲ့အတွက် မှိုတက်သလို အဖြူမှုန်သေးသေးလေးတွေ ဖြစ်လာတတ်ပါတယ်။ အရေပြားမှိုတက်ခြင်းကို ထိန်းသိမ်းနိုင်ဖို့အတွက် နည်းလမ်းလေတွေဖော်ပြပေးချင်ပါတယ်။

၁)လိုးရှင်းအစား အဆီပါတဲ့ ခရင်မ်တစ်ခုကို လိမ်းပါ။လိုးရှင်းမှာပါတဲ့ ပါဝင်ပစ္စည်းတွေက ခရင်မ်ထဲမှာ ပါတဲ့ပါဝင်ပစ္စည်းတွေထက် ပျော့တဲ့အတွက် လိုးရှင်းလိမ်းထားခဲ့ရင် ခဏပဲ အစိုဓာတ်ထိန်းပေးနိုင်ပြီး မကြာခဏ ပြန်လိမ်းပေးဖို့ လိုအပ်နေပါလိမ့်မယ်။

၂)ရေနွေးနဲ့ရေချိုးခြင်း၊ ဆပ်ပြာတုံးဖြင့် တိုက်ခြင်း ကိုရှောင်ပါ။ရေနွေးနဲ့ ရေချိုးတာက အကြောအခြင်တွေပြေလျော့စေတဲ့အတွက် လန်းဆန်းစေနိုင်ပေမဲ့ အရေပြားကထွက်တဲ့ သဘာ၀ အဆီကို ကုန်ခမ်းစေတဲ့အတွက် အရေပြားခြောက်သွေ့မှု ပိုဖြစ်စေနိုင်ပါတယ်။

၃)အရေပြားကို အဆီတစ်မျိုး အမြဲလိမ်းပေးထားပါ။ရေချိုးပြီးတာနဲ့ အရေပြားအရမ်းမခြောက်ခင်မီမှာ အဆီတစ်မျိုးကို အရေပြားထဲ စိမ့်ဝင်အောင် ပွတ်ပြီးလိမ်းပေးပါ။ဒါက အဲ့ဒီ အဆီဓာတ်ကို မြန်မြန်နဲ့ အရေပြားအတွင်းပိုင်းထိ ရောက်အောင် စုပ်ယူစေနိုင်ပါတယ်။

၄) မကုတ်ပါနဲ့။ခြောက်သွေ့တဲ့အရေပြားက ယားယံစေပါတယ်။ ဒါပေမဲ့ ကုတ်လိုက်တဲ့အတွက် မှိုတက်သလို ပိုပြီးဖြစ်စေနိုင်ပါတယ်။ ဒါကြောင့် vaseline လို အစိုဓာတ်ထိန်း ခရင်မ်ဘူးငယ် တစ်ခုအမြဲဆောင်ထားပြီး အရေပြားယားယံလာတဲ့အခါ အနည်းငယ် လိမ်းပေးလို့ရပါတယ်။

၅)တစ်ပတ်တစ်ခါ သပွတ်သီးလို အနည်းငယ်ကြမ်းတဲ့ ဘရပ်ရှ်တစ်ခုနဲ့ အရေပြားကို ပွတ်တိုက်ပေးပါ။အရေပြားပေါ်မှာရှိတဲ့ ဆဲလ်အသေတွေကြောင့် မှိုတက်တဲ့ အသားအရေမျိုး ပိုဖြစ်စေပါတယ်။ ဒါကြောင့် သပွတ်အူ ဒါမှမဟုတ် ဘရပ်ရှပ် ပေါ်မှာ ရေချိုးဆပ်ပြာ အနည်းငယ်ထည့်ပြီး စက်ဝိုင်းသဏ္ဍန်လှည့်ပြီး ပွတ်တိုက်ပေးလိုက်ရင် အရေခွံလဲသလို သေနေတဲ့ ဆဲလ်အသေတွေ ကွာကျသွားပြီး လန်းဆန်းတဲ့အရေပြားကို ရရှိနိုင်ပါလိမ့်မယ်။

၆)ရေသောက်ပါ။ အစိုထိန်းစက်တစ်လုံး ဝယ်လိုက်ပါ။ အရေပြားမှာ ရေဓာတ်အမြဲရရှိနေဖို့အတွက် ရေကို ပုံမှန်သောက်ပေးဖို့လိုပါတယ်။ပြီးတော့ အစိုထိန်းစက်ကလည်း ခြောက်သွေ့တဲ့လေကြောင့် အရေပြားမှိုမတက်အောင် အစိုဓာတ် အမြဲထုတ်ပေးနိုင်ပါတယ်။

Be the first to comment

Leave a Reply

Your email address will not be published.


*